Gürcüstan, Tbilisi, 22 oktyabr /Trend, müxbir N.Kirsxaliya/
Gürcüstan daha ucuz qiymətə Türkmənistandan yanacaq tədarük etmək və bununla da daxili bazarda qiymətləri aşağı salmaq niyyətindədir. Trend-in məlumatına görə, bu barədə jurnalistlərə Gürcüstanın energetika naziri Kaxa Kaladze bildirib.
Onun sözlərinə görə, Türkmənistandan Gürcüstana yanacaq Azərbaycan vasitəsilə gətiriləcək:
"Artıq Azərbaycan tərəfindən bizim yüklər üçün tranzit dəhlizinin boşaldılması ilə bağlı razılıq almışıq. Bu, yaxın vaxtlarda baş verəcək".
K.Kaladzenin sözlərinə görə, Türkmənistan tərəfi ilə danışıqlar yekunlaşmaq üzrədir: "Yeni bazarın açılmasından sonra bu bazarın azadlığını hiss edəcəyik. Yanacağın qiymətlərinin aşağı salınması da istisna edilmir".