Azərbaycan, Bakı, 7 aprel /Trend, müxbir E. İsmayılov/
Yanvar-mart aylarında "Azərenerji" ASC 6,2 milyard kilovat-saatdan artıq elektrik enerjisi istehsal edib. Ötən ilin analoji dövründə bu göstərici təqribən 6 milyard kilovat-saata yaxın təşkil edib. Trend-in məlumatına görə, bu barədə bazar ertəsi ASC-nin yaydığı məlumatda deyilir.
Məlumata əsasən, "Azərenerji" martda 2 milyard kilovat-saatdan artıq elektrik enerjisi istehsal edib. Ötən ilin martında bu rəqəm 2 milyard kilovat-saata yaxın olub.