Azərbaycan, Bakı, 19 avqust /Trend, müxbir Emil İsmayılov/
"Bakıelektrikşəbəkə" ASC bu ilin yanvar-iyul aylarında "Azərenerji" ASC-dən təqribən 5,23 milyard kilovat-saat elektrik enerjisi alıb. Bunu Trend-ə "Bakıelektrikşəbəkə" ASC-dən bildiriblər.
ASC 2013-cü ildə "Azərenerji" ASC-dən təqribən 8,86 milyard kilovat-saat elektrik enerjisi əldə edib. 2012-ci ildə bu rəqəm 8,55 milyard kilovat-saat olub.
"Bakıelektrikşəbəkə" ASC yanvar-iyulda "Azərenerji" ASC-nin tədarük etdiyi elektrik enerjisinin orta hesabla 95,2 faizinin dəyərini ödəyib.
"Bakıelektrikşəbəkə" 2013-cü ildə "Azərenerji" ASC-nin tədarük etdiyi elektrik enerjisinin orta hesabla 93,6 faizinin dəyərini ödəmişdi ki, bu da 2012-ci ilin göstəricisi ilə eynidir.