Azneftkimyamaş ASC təşkilatın müəssisələrində beynəlxalq standartların tətbiqi layihəsi üzrə iş aparır. ASC-də Trend ə bildirilib ki, layihə TACIS proqramları çərçivəsində gerçəkləşdirilir.
Hazırda müəssisələrdə layihənin tətbiqi üçün təlimatların hazırlanmasına dair işlər həyata keçirilir, müəssisə əməkdaşları üçün API (American Petroleum Institute) standartlaşdırılması üzrə treninqlər keçirilir.
İlkin mərhələdə layihə 5 müəssisəni -Bakı fəhləsi maşınqayırma zavodu, Sabunçu Elm-istehsalat birliyi, Balaxanı və Səbail maşınqayırma zavodları, Sərdarov adına maşınqayırma zavodu- əhatə edir. "Hazırda bu müəssisələr ISO sertifikatı alıb və ISO monoqramması ilə məhsullar istehsal edir" - ASC-də qeyd olunub.
Layihənin əsas komponenti API standartlaşdırılması üzrə test avadanlığının alınmasıdır və bu çərçivədə tender keçirilib.Avadanlıq 2006-cı ilin birinci yaxud ikinci rübünün sonunda təqdim ediləcək.
Layihənin dəyəri 18 ay müddət olmaqla TACIS tərəfindən təqdim edilən 500 min avro təşkil edir.
