Heydər Əliyev adına (keçmiş Azərneftyanacaq) NEZ-də katalitik krekinq qurğusunda işlər bərpa edildikdən sonra, aprelin 1-dən ARDNŞ Gürcüstanın müxtəlif şirkətləri ilə müqavilələrə əsasən həmin ölkəyə avtomobil benzini ixracını həftədə 5 min tona çatdırmaq niyyətindədir.
ARDNŞ-də Trend ə bildirilib ki, hazırda Gürcüstana həftədə 3 min ton avtomobil benzini tədarük olunur, amma qurğuda işlər bərpa edildikdən sonra ixrac 5 min tonadək artırılacaq.
ARDNŞ Gürcüstana benzin satışı ilə bağlı ötən ilin sonunda müqavilə imzalayıb. Azərbaycan yanacağının əsas idxalatçısı Gürcüstanın "Saknaftobtransi" ("Qruzneftetrans") dövlət şirkətidir.
ARDNŞ-də qeyd olunub ki, apreldə Sinqapurun Petrofarm şirkəti ilə olan digər müqaviləyə əsasən Azərneftyağ NEZ-in (ARDNŞ-in tərkibində) balansında olan 20 saylı körpüdən FOB şərtilə 10 min ton avtomobil benzini tədarük olunacaq.
ARDNŞ Petrofarm şirkəti ilə müvafiq müqaviləni 2005-ci ilin dekabrında imzalayıb. Bu istiqamətdə Petrofarm şirkətinə 2006-cı ildə 50 min ton avtomobil benzini daşınması nəzərdə tutulur.. Petrofarm XDGİ-nin tankerləri ilə benzini İranın Neka limanınadək çatdıracaq.