Hazırda ARDNŞ "Azəri-Çıraq-Günəşli" yatağında sərbəst qaz ehtiyatlarının işlənməsi ilə bağlı Azərbaycan Beynəlxalq Əməliyyat Şirkəti ilə danışaqlar aparmır. Trend in məlumatına əsasən, bu barədə ARDNŞ-nin geologiya və geofizika üzrə birinci vitse-prezidenti Xoşbəxt Yusifzadə bildirib.
"Bu saziş başqa danışıqların predmetidir. ABƏŞ bu layihə ilə çox maraqlanır.Şirkət bu yatağda işləyir və ona görə aşağı laylardakı qazın hasilatı ilə də özü məşğul olmaq istəyir" - deyə o qeyd edib.
ARDNŞ hələlik məsələ ilə əlaqədar qərar verməyib. "Biz həmin layihə üzrə tender elan edə bilərik və onlar qalib gəldikləri təqdirdə yatağı işlədə bilərlər" - deyə X.Yusifzadə vurğulayıb.
AÇG üzrə tərəfdaşlar aşağıdakı şirkətlərdir: BP (operator - 34,1%), Unocal (10,2%), ARDNŞ (10%), INPEX (10%), Statoil (8,6%), ExxonMobil (8%), TPAO (6.8%), Devon (5,6%), ITOCHU (3,9%), Amerada Hess (2,7%). AÇG tərəfdaşları ilə imzalanmış saziş yalnız neft ehtiyatlarına aiddir. Sərbəst qaz və kondensat ehtiyatları başqa sazişin predmetidir. Bu gün "Azəri-Çiraq-Günəeşli"də "fasilə lay dəstəsi" işlənir, ağağı laylarda isə ehtimallara görə qaz var. Kəşfiyyat qazması zamanı sərbəst qaz ehtiyyatları aşkarlanarsa, ayrıca PSA sazişi imzalanacaq. BP ilə razılıq əldə olunsa, şirkət sərbəst qaz ehtiyyatlarının hasilatı üzrə operator olacaq. İlkin hesablamalara görə, qaz ehtiyyatları bir neçə yüz miliard kub metr olacaq.