Ukraynada yanacaqdoldurma stansiyaları layihəsinin gerçəkləşdirilməsi üçün onun gəlirliyini, xüsusilə, xam neftin və ya neft məhsullarının bazara çadırılması məsələsini nəzərdən keçirmək lazımdır. Bu barədə Trend ə Azərbaycan Dövlət Neft Şirkətinin (ARDNŞ) prezidenti Rövnəq Abdullayev bildirib.
Kiyevdə GUAM zirvə görüşü çərçivəsində Azərbaycan prezidenti İlham Əlyievlə keçirilmiş görüş zamanı Ukrayna prezidenti Viktor Yuşenko Azərbaycanın Ukrayna iqtisadiyyatında daha fəal iştirak etməsi haqqında təklif irəli sürüb.
Kiyev Azərbacyanın xam neftinin Ukraynada emalı və neft məhsullarının satışı üçün yanacaq doldurma stansiyaları şəbəkəsinin foromalaşdırılması üçün əlverişli şərait yaratmaq niyyətindədir.
Hazırda Azərbaycan tərəfi həmin təklifləri nəzərdən keçirir. Azərbaycanın Sənaye və Energetika Nazirliyindən bildiriblər ki, bu layihəni ARDNŞ də həyata keçirə bilər. Onun öz xam nefti, emal üzrə mütəxəssisləri var və şirkət neft məhsullarının satışını təşkil edə bilər.
Lakin ARDNŞ-dən verilən məlumata görə, bu layihə Ukrayna tərəfinin Azərbaycan binesi üçün necə şərait yaradacağından asılıdır.
