2007-ci ilin yanvar ayında "BPAzərbaycan" "Şahdəniz" qaz kondensatı yatağında ikinci quyunun istismara verilməsini planlaşdırır. Trend xəbər verir ki, ikinci quyunun istismara verilməsi ilə paralel olaraq "BP Azerbaijan" birinci quyuda da işləri davam etdirir, bu quyuda hasilat dekabrın 20-də texniki səbəblər üzündən dayandırılıb.
Mənbələrdən alınan məlumata görə, bu quyuda qaz sızması aşkar edilib. Problemin aradan qaldırılması müddəti işin həcmi və icra variantlarından asılı olacaq.
Birinci quyuda qaz hasilatına dekabrın 15-də başlanılıb. Sutka ərzində birinci quyudan 5,6 mln. m3 qaz və 2,5 min ton qaz kondensatı hasil edilirdi.
"Şahdəniz"in "Mərhələ - 1" çərçivəsində ildə 8,6 mlrd. kub metr qaz hasil ediləcək. 2007-ci ildə "Şahdəniz" yatağından 5,4-5,6 mlrd. kub metr qaz hasil edilməsi nəzərdə tutulub.
