Azərbaycan,Bakı/müxbir Trend İ.Xəlilova/Bu gün Bakıda ilk dəfə olaraq Azərbaycanın baş naziri Artur Rəsizadə, Qazaxıstanın baş naziri Kərim Məsimov və Gürcüstan baş naziri Zurab Noqaidelinin görüşü keçiriləcək. "Görüşü üçtərəfli əməkdaşlıq üçün yaxşı başlanğıc hesab etmək olar", deyə Rəsizadə bildirib.
Üçtərəfli görüşdə əsasən tarif siyasəti müzakirə olunacaq. Belə ki, Gürcüstan Azərbaycanla neft çatdırmaları ilə bağlıdır, - deyə Qazaxıstanın energetika və təbii ehtiyatlar naziri Baktıkoja İzmuxambetov bildirib.
"Biz Kulevidəki terminalın açılışı və Batumidə limanın işi barədə müzakirələr aparacağıq. Portlar üzrə birgə işləmək arzusundayıq və birgə investisiyalar mümkündür. Biz, limanların özəlləşdirilməsi prosesində iştirak etməkdə maraqlıyıq", deyə Qazaxıstan naziri bildirib.
Onun fikrincə, üç ölkənin birgə fəaliyyəti həmçinin Qazaxıstan və Azərbaycan ADNŞ-in aldığı Kulevi neft terminalının yaradılması və istismarı çərçivəsində işləməsindən ibarətdir.
Kulevi terminalının boşaldılıb yüklənmə gücü 10 mln. tondur. Terminalın ehtiyat parkının ümumi tutumu 320 min kubmetrdir. Böşaldılıb-yüklənmə gücünün 20 mln. tonadək və ehtiyat parkının tutumunun 380 min kub metrədək artırılması planlaşdırılır. Dörd dəmir yolu vasitəsilə terminala 168 sisternin çatdırılması mümkündür. Giriş kanalının və 3 körpünün tikintisi tamamlanıb. Yeni terminal 100 min tondan artıq yükgötürmə qabiliyətinə malik tankerləri qəbul edə bilər. Layihənin birinci hissəsinin dəyəri təxminən 150 mln. dollar təşkil edə bilər. Hazırda dəmir yolunun çəkilməsi işi aparılır. Bu dəmir yolu ADNŞ-in mülkiyyətində olacaq. Həmçinin qazın yüklənməsi üçün xüsusi estakadaların tikintisi də aparılır. Terminalın işə salınması 2007-ci ilin ikinci yarımilliyində nəzərdə tutulub.