Azərbaycan, Bakı/ Trend müxbir S.Əliyev/ May ayında Azərbaycan Dövlət Neft Şirkətinin Marketinq və İqtisadi Əməliyyatlar İdarəsi Ceyhan limanından 5-5,5 mln. barel neft göndərəcək. Bu limana neft Bakı-Tiflis-Ceyhan kəməri vasitəsilə çatdırılır. Bu barədə cümə günü idarənin rəisi Muxtar Babayev bildirib.
O qeyd edib ki, gələcəkdə Bakı-Tiflis-Ceyhan kəməri vasitəsilə çatdırılan neftin həcmi artdıqca ARDNŞ-in də Ceyhandan satdığı neftin həcmi artacaq.
Aprel ayında ARDNŞ Ceyhandan 5 mln. barel neft satıb.
Hazırta BTC kəməri ilə sutkada 800 min. barel neft daşınır.
Kəmərin maksimum buraxılış gücü 1 mln barel neftdir.