Azərbaycan, Bakı /müx. Trend S.Əliyev/ Birinci rübdə "BP Azerbaijan" Azərbaycana 733 mln. kubmetr səmt qazı verib. Bu barədə "BP Azerbaijan" şirkətinin prezidenti Bil Şreder məlumat verib. Onun sözlərinə görə, hazırda şirkət sutka ərzində 7,5 mln. kubmetrə yaxın qaz ötürür.
2007-ci ilin ilkin planına əsasən, "Azəri"-"Çıraq"-"Günəşli" yatağından 1,4 mlrd. kubmetr səmt qazının verilməsi nəzərdə tutulurdu. Lakin Azərbaycanda qaza olan tələbatı nəzərə alan Azərbaycan Beynəlxalq Əməliyyat Şirkəti 2007-ci il yanvarın 1-dən etibarən Azərbaycan Dövlət Neft Şirkətinə sutkada 8,2 mln. kubmetr qaz ötürməyə razılıq verib.
2006-cı ildə şirkət Azərbaycana 2,4 mlrd. kubmetr səmt qazı verib. Bu qazın 700 mln. kubmetri "Çıraq" yatağından, 1,7 mlrd. kubmetri Səngəçal terminalındandır.