Azərbaycan, Bakı, 03 aprel/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyinin "Aztelekom" İB -nin CDMA formatlı rabitə şəbəkəsinin abunəçilərinin sayı 10 mini ötüb. Bu barədə cümə axşamı idarədən məlumat veriblər.
"Aztelekom"-un CDMA şəbəkəsi Abşeron, Şamaxı, Lənkəran, Zaqatala, Quba, Xaçmaz, Masallı, Şəmkir, İmişli, Mingəçevir, Şəki və Gəncəni əhatə edir. Burada 12 baza stansiyası fəaliyyət göstərir.
"Yaxın vaxtlarda CMDA şəbəkəsinin əhatə dairəsini genişləndirmək planlaşdırılır", - nazirlikdən bildiriblər. Kürdəmirdə 12 telefonlaşdırılmamış yaşayış məntəqəsini əhatə edəcək ikinci baza stansiyası quraşdırılacaq.
CDMA şəbəkəsi ümumilikdə ölkə regionlarının telefon rabitəsinə çıxışı imkanı olmayan 23 yaşayış məntəqəsini əhatə edəcək.
CDMA (Code Division Multiple Access - kodlara bölünməklə çoxsaylı çıxış sistemi) rəqəmli naziqlsiz texnologiyadır, GSM-dən sonra hazırlanıb və ilk dəfə QUALCOMM-da tətbiq edilib. CDMA nitqi rəqəmli informasiyaya çevirir və sonra onu radiosiqnal kimi naqilsiz şəbəkə üzrə göndərir. İlk dəfə 1995-ci ildə kommersiya məhsulu kimi təqdim edilən CDMA dünyada ən sürətlə yayılan naqilsiz texnologiyalardandır. 1999-cu ildə Beynəlxalq Elektrorabitə İttifaqı (International Telecommunications Union) CMDA-nı "üçüncü nəsil" (3G) yeni naqilsiz sistemlər üçün sənaye standartı kimi seçib.
Azərbaycanda "Baktelekom", "Aztelekom", Catel, Ultel və Aztrank CMDA xidmətləri göstərirlər.