Azərbaycan, Bakı, 13 noyabr / Trend , müxbir S.Babayeva/ "Naxçıvan Muxtar Respublikası yeni mobil operatorların bazara daxil olması üçün açıqdır" - muxtariyyətin rabitə və informasiya texnologiyaları naziri Rövşən Məmmədov deyib.
Məmmədov söyləyib: "Bu gün muxtariyyətin ərazisində üç GSM - operatoru (Azercell Telecom, Bakcell, Azerfon) və CDMA şəbəkəsi (Naxtel) fəaliyyət göstərir".
Əvvəllər Azərbaycanın başqa bir CDMA - operatoru - Catel, Naxtellə rominq vasitəsilə NMR - də öz əhatə dairəsini genişləndirmək niyyətində olduğunu bildirmişdi.
Məmmədovun sözlərinə görə, NMR - də mobil abonentlərin sayı 150-160 min nəfərə yaxındır, 2007-ci ilin sonunda bu rəqəm 100 min civarında olub.
Muxtariyyət Azərbaycanın qərb hissəsində yerləşir. Şimaldan və şərqdən Ermənistan, cənubdan və qərbdən Türkiyə və İranla həmsərhəddir. NMR-in ümumi ərazisi 5,5 kvadrat kilometrdir, əhalisinin sayı 360 min nəfərdən çoxdur. Muxtariyyətin paytaxtı Naxçıvan şəhəridir.
Dövlət Statistika Komitəsinin məlumatına görə, bu ilin oktyabr ayı ərzində Azərbaycanda mobil rabitə abonentlərinin sayı cəmi 5,7 nəfər olub. Bu göstərici hökumətin 500 min abonent barədə proqnozlarını ötüb.
Məqalə müəllifi ilə əlaqə ünvanı: [email protected]
