Azərbaycan, Bakı, 31 yanvar /Trend, müxbir H.Vəliyev/
2010-cu ildə Azərbaycan məktəblərinə 4710 personal kompyuter satılıb. Bu barədə Azərbaycan Təhsil Nazirliyinin ötən ilin yekunlarına dair hesabatında deyilir.
İdarənin məlumatına görə, respublika məktəblərinə verilən kompyuterlərin 2031ədədi stolüstü və 2679 ədədi portativdir. Portativ kompyuterlərin sayından noutbukların payına yarıdan çoxu düşür. Ötən ilin yekunları üzrə İntel korporasiyası tərəfindən 240 noutbuk verilib. Bütün kompyuterlər əvvəlcədən quraşdırılan lisenziyalı proqram təminati ilə təqdim edilib.
Ötən ilin yekunlarına görə, "Elektorn məktəb" (e-school) layihəsinə əlavə olaraq Bakı, Sumqayıt, Lənkəran və Mingəçevir şəhərlərindəki dörd təhsil müəssisəsi qoşulub. Bu gün ölkənin 20 orta təhsil müəssisəsinin qoşulduğu e-school layihəsi çərçivəsində 300 stolüstü kompyuter və 336 noutbuk tədarük edilib. Həmni netbuklarının ümumi sayından 100 ədəd İntel korporasiyası tərəfindən təqdim olunub. Həmin layihədə iştirak edən məktəblər lif-optik xəttə üzrə Azərbaycanın təhsil şəbəkəsinə (AzEDUNET) qoşularaq İnternet şəbəkəsindən və Təhsil Nazirliyinin informasiya resurs mərkəzindən istifadə imkanı əldə ediblər.
Bu günədək AzEDUNET şəbəkəsinə respublikadakı minə yaxın təhsil müəssisəsi qoşulub. İstifadə ADSL2+ (740 qoşulma) texnologiyası,lif-optik xətlər üzrə (24 qoşulma) və simsiz texnologiyalar üzrə (236 qoşulma) vasitəsilə həyata keçirilir.
2011-ci ildə AzEDUNET şəbəkəsinə sonralar İnternetə qoşulmaqla əlavə olaraq 500 məktəbin birləşdirilməsi planlaşdırılır. İdarə tərəfindən təlimlərə pedaqoq heyətindən əlavə 25 min adamın və iki min inzibati idarəetmə əməkdaşının cəlb edilməsi planlaşdırılır.
Həmçinin, nazirliyin planlarına Bakı və Sumqayıtın bəzi ümumtəhsil müəssisələrində köhnəlmiş 1,5 minlik kompyuter parkının yenilənməsi daxildir.
"Bir məktəbli-bir kompyuter" layihəsi üzrə işlərin davam etdirilməsi, e-school layihəsinə daha on məktəbin qoşulması, respublikanın orta təhsil müəssisələrində ompyuter avadanlıqlarına olan tələbatla bağlı monitorinqlərin keçirilməsi və digər tədbirlərin həyata keçirilməsi üzrə işlərin davam etdirilməsi planlaşdırılır.
