Gürcüstan, Tbilisi, 22 iyul /Trend, müxbir N.Kirsxaliya/
Gürcüstanın İqtisadiyyat Nazirliyi Tbilisidə televiziya qülləsinin menecmenti olan şirkətin dördillik idarə edilməsi hüququnu elektron hərraca çıxarıb.
Keçmiş "Gürcüstan teteleradiomərkəzi" (sonuncu dəfə iyulun 4-də adı dəyişdirilib və obyektə "Alfa-Kom"adı verilib) "Alfa-Kom" MMC Tbilisidə yerləşən 274 metrlik televiziya qülləsi ilə birgə Gürcüstanın müxtəlif regionlarındakı 35-dən artıq xırda yayım qüllələri ilə işləyir. Şirkət 30-dan artıq radio və 16 teleşirkətlə işləyir.
İyulun 18-də başlayan və avqustun 1-dək davam edəcək hərracda ilkin qiymət 100 min lari (1 dollar = 1,67 lari) təşkil edir.
İqtisadiyyat Nazirliyi şirkəti idarə etmək hüququnu əldə etmək istəyənlər qarşısında iki əsas şərt irəli sürüb: müəssisənin profilinin saxlanması və sonrakı 4 il ərzində azı 12 milyon dollar sərmayə qoyulması.
