...

Bakı teleqülləsinin elektromaqnit sahəsinin gərginliyi normaları ötmür

Telekommunikasiya Materials 4 Oktyabr 2011 16:58

Trend-i buradan izləyin

Azərbaycan, Bakı, 4 oktyabr /Trend müxbir H.Vəliyev/

Bakı televiziya qülləsi ilə teleradio proqramların yayımı zamanı yaranan elektromaqnit sahəsinin gərginliyi (EMS) müəyyən edilmiş normaları ötmür. Bu barədə Trend-ə çərşənbə axşamı Rabitə və İnformasiya Texnologiyaları Nazirliyinin Dövlət Radiotezliklər İdarəsindən məlumat verilib.

Bu məlumat sentyabrın ortalarında DRİ-nin radiomonitorinq şöbəsinin mütəxəssislərinin apardıqları Bakı və Abşeron yarımadasında EMS təsirinin təhlilinin nəticələri əsasında əldə olunub. Ölçmə işləri nazirliyin Dövlət müəssisələrinin fəaliyyətlərinin əlaqələndirilməsi şöbəsi ilə razılaşdırılmış qrafikə uyğun olaraq hər rüb həyata keçirilir.

Əldə olunan məlumatlar əvvəlki göstəricilərə uyğun gəlir. EMS-də gərginlik aşkar olunduqda DRİ mütəxəssisləri operativ olaraq onun səviyyəsinin filtrasiya, yenidən göndərmə, ekranlaşdırma və digər yeni metodlarla optimallaşdırması işlərinə başlayırlar.

Xəbər lenti

Xəbər lenti