...

Azərbaycan şirkəti .az milli domeninin onlayn-qeydiyyat sistemini sınaqdan keçirir

Telekommunikasiya Materials 15 Fevral 2012 16:36 (UTC +04:00)

Trend-i buradan izləyin

Azərbaycan, Bakı, 15 fevral /Trend, müxbir H.Vəliyev/

"IntraNS" şirkəti .az milli domeninin onlayn-qeydiyyat sistemini sınaqdan keçirməyə başlayıb. Bu barədə çərşənbə günü Trend-ə şirkətin baş direktoru Faiq Fərmanov bildirib.

Fərmanovun sözlərinə görə, proqram təminatı bilavasitə "IntraNS" şirkəti tərəfindən hazırlanıb və xidmətin martda istifadəyə verilməsi gözlənilir.

İstifadəçilər qeydiyyatçının saytı vasitəsilə domenin sifarişini və qiymətinin ödənişini həyata keçirə bilərlər.

.az domenində qeydiyyatın qiyməti 20 manatdır, onun illik texniki dəstəyi də eyni məbləğdədir.

Qeyd edək ki, .az milli zonası 1993-cü il avqustun 25-də fəaliyyətə başlayıb.

Hazırda .az milli domenində 13,3 mindən çox internet-resurs qeydiyyatdan keçib.

Xəbər lenti

Xəbər lenti