Azərbaycan, Bakı, 29 mart /Trend, müxbir H.Vəliyev/
May ayının ortalarınadək "Azərsu" ASC-nin abonentləri smart-kartları "MilliÖN" özünəxidmət terminalları şəbəkəsində yükləyə biləcəklər. Bu barədə cümə günü Trend-ə "Komtec" şirkətindən bildiriblər.
Şirkətdən deyiblər ki, hazırda su operatorunun billinq sisteminə inteqrasiyası üzrə işlər başa çatdırılır.
Qeyd edilən dövrdə "MilliÖN" terminalları vasitəsilə kredit kartları ilə xidmətlərin ödənişi də mümkün olacaq.