Azərbaycan, Bakı, 17 fevral /Trend, müxbir H.Vəliyev/
Azərbaycanın poçt rabitə operatoru "Azərpoçt" MMC Qırğızıstan poçtu ilə STEFI (Secured Transfer of Electronic Financial Information) təcili pul köçürmələri sistemini işə salır. Bunu bazar ertəsi Trend-ə Rabitə və İnformasiya Texnologiyaları Nazirliyindən bildiriblər.
Servisin martın ortalarında tətbiq ediləcəyi gözlənilir. STEFI sisteminin tətbiqi Azərbaycanın poçt operatoruna təcili pil köçürmələrini 30 dəqiqə ərzində həyata keçirməyə imkan verəcək.
Tacikistan istiqaməti üzrə də sistemin tətbiqi ilə bağlı sınaq işləri aparılır.
Hazırda Azərbaycan poçtu STEFI sistemi üzrə Ukrayna, Belarus, Moldova, Rusiya, Qazaxıstan və BƏƏ-yə təcili pul köçürmələri xidmətini təklif edir.
Gələcəkdə xidmətin Özbəkistan, Estoniya və Latviya istiqamətində də tətbiqi nəzərdən keçirilir.