Azərbaycan, Bakı, 1 aprel /Trend, müxbir H.Vəliyev/
Azərbaycan və Qırğızıstanın poçt operatorları arasında STEFI (Secured Transfer of Electronic Financial Information) pul köçürmələri sisteminin işə salınmasının yubanması sistemin Moskvada yerləşən texniki mərkəzindəki problemlərlə bağlıdır. Bu barədə Trend-ə "Azərpoçt" MMC-dən bildiriblər.
"Azərpoçt"dan deyiblər ki, hazırda texniki nasazlıqlar aradan qaldırılır ki, bu işlər başa çatdıqdan sonra sistem istismara veriləcək.
Qeyd edək ki, bundan əvvəl xidmətin işə salınması mart ayına planlaşdırılmışdı.
STEFI sisteminin tətbiqi Azərbaycanın poçt operatoruna 30 dəqiqə ərzində Qırğızıstandan təcili pul köçürmələrinin həyata keçirilməsinə imkan verəcək.
Eləcə də hazırda Tacikistanla sistemin işə salınması üzrə sınaq işləri aparılır.
