Azərbaycan, Bakı, 22 may /Trend, müxbir H.Vəliyev/
"Azərpoçt" MMC internet bankçılıq xidməti göstərməyə hazırlaşır. Bu barədə cümə axşamı Trend-ə MMC-dən deyiblər.
MMC-dən bildiriblər ki, xidmət yaxın vaxtlarda işə salınacaq. İnternet bankçılıq servisi "Azərpoçt" plastik kart sahiblərinə sutkanın istənilən vaxtı bank hesablarını idarə etməyə, hesabdakı qalığı öyrənməyə, kartı bloka almağa, keçirilmiş əməliyyatlar üzrə çıxarışlar almağa, mobil rabitə, kommunal və digər xidmətlərin ödənişini həyata keçirməyə imkan verəcək.
Hazırda "Azərpoçt" ödəniş kartlarının sayı 15 minə çatır. Kartalara "MilliKart" prosessinq mərkəzi tərəfindən xidmət göstərilir.
"MasterCard"ın prinsipial üzvü olan "Azərpoçt" şəbəkəsində bankomatların sayı 15, POS-Terminalların sayı isə 50-dən çoxdur.