...

Azərbaycan poçtu təcili pul köçürmələri sistemlərindən birində imkanlarını genişləndirmək niyyətindədir

Telekommunikasiya Materials 23 May 2014 14:33

Trend-i buradan izləyin

Azərbaycan, Bakı, 23 may /Trend, müxbir H.Vəliyev/

Azərbaycan STEFI (Secured Transfer of Electronic Financial Information) təcili pul köçürmələri sistemi bazasında yeni xidmətin açılması imkanlarını nəzərdən keçirir. Bu barədə cümə günü Trend-ə Rabitə və Yüksək Texnologiyalar Nazirliyindən bildiriblər.

Nazirlikdən deyiblər ki, göstərilən məsələyə iyunun 11-12-də Qazaxıstanda keçiriləcək poçt-maliyyə xidmətləri və elektron pul köçürmələri üzrə regional konfrans çərçivəsində baxılacaq.

Regional konfrans Ümumdünya Poçt İttifaqının "Elektron ödəniş sistemlərinin inkişafı və təkmilləşdirilməsi" çoxillik kompleks layihəsinin reallaşdırılması çərçivəsində keçiriləcək. Layihənin məqsədi MDB ölkələrinin operatorlarına şəbəkələrin genişləndirilməsi, elektron ödəniş xidmətlərinin təkmilləşdirilməsi və yeni xidmətlərin (təcili ödənişlər, hesabdan nağd pula və nağd puldan-hesaba) göstərilməsi yolu ilə elektron xidmətlərin gələcək inkişafı və yaxşılaşdırılmasına dəstək göstərilməsidir.

Bu gün Azərbaycanın poçt operatoru "Azərpoçt" MMC STEFI sistemi üzrə Ukraynaya, Belarusa, Moldovaya, Rusiyaya, Qazaxıstana və BƏƏ-yə təcili pul köçürmələri xidməti təklif edir. Yaxın vaxtlarda xidmət Qırğızıstanla da işə salınacaq.

Məqalədə:
Xəbər lenti

Xəbər lenti