...

Azərbaycan poçtu mobil telefonlardan istifadə etməklə ödənişlərin tətbiqinə hazırlaşır

Telekommunikasiya Materials 17 İyun 2014 17:08

Trend-i buradan izləyin

Azərbaycan, Bakı, 17 iyun /Trend, müxbir H.Vəliyev/

Azərbaycan poçtu mobil telefonlardan istifadə etməklə IFS/STEFI ödənişlərinin həyata keçirilməsi imkanlarını müzakirə edir.

Trend-in Regional Rabitə Birliyinin rəsmi saytına istinadən verdiyi məlumata görə, bu məsələ iyunun 11-12-də Qazaxıstanda keçirilən "Avropa və MDB ölkələrində elektron ödəniş xidmətlərinin inkişafı və yaxşılaşdırılması" regional layihəsi çərçivəsində poçt-maliyyə xidmətləri və elektron pul köçürmələri üzrə regional konfransda nəzərdən keçirilib.

Rabitə və Yüksək Texnologiyalar Nazirliyindən Trend-ə bildiriblər ki, konfransda Azərbaycanı "Azərpoçt" MMC təmsil edib.

Konfrans zamanı, həmçinin Ümumdünya Poçt İttifaqının keyfiyyət standartlarının inkişafı, poçt ödəniş xidmətlərinin idarə edilməsi, planşet qurğular vasitəsilə poçt şöbələri ilə rabitənin təşkili, regional və qlobal məlumat bazalarının birləşdirilməsi, IFS/STEFI kommutasiya mərkəzinin yaradılması üzrə layihələri müzakirə olunub.

Tədbirdə bazarın sürətli inkişafına (yeni tariflər və ödənişlər üzrə) dair regional araşdırmaların nəticələri haqqında məlumat təqdim edilib.

Konfrans iştirakçıları IFS/STEFI sistemi vasitəsilə pul köçürmələri mübadiləsi dəhlizlərinin açılması üzrə ikitərəfli danışıqlar aparıblıar.

Hazırda Azərbaycanın poçt operatoru STEFI sistemi üzrə Ukrayna, Belarus, Moldova, Rusiya, Qazaxıstan və BƏƏ-yə təcili pul köçürmələrini təklif edir. Xidmət yaxın vaxtlarda Qırğızıstan üzrə də tətbiq ediləcək.

Azərbaycan poçtu üçün əsas üstünlük STEFI üzrə tranzaksiyalar çərçivəsində əldə edilən gəlirlərin MMC-nin sərəncamında qalmasıdır.

STEFI sistemi beynəlxalq poçt köçürmələrinin kağız mübadiləsindən elektron mübadiləsinə keçməyə imkan verir.

Məqalədə:
Xəbər lenti

Xəbər lenti