...

İşığa görə iri borcları ödəniş terminallarında ödəmək mümkün deyil

Telekommunikasiya Materials 8 Dekabr 2015 16:30 (UTC +04:00)
"Komtec" şirkəti (MilliÖN ödəniş terminallarının quraşdırılması və servis dəstəyi üzrə texniki mərkəz) "Azərişıq" ASC-nin borcları 500 manatdan artıq olan abonentlərinin ödənişlərinin qəbulunu dayandırıb.
İşığa görə iri borcları ödəniş terminallarında ödəmək mümkün deyil

Trend-i buradan izləyin

Bakı. Hüseyn Vəliyev - Trend:

"Komtec" şirkəti (MilliÖN ödəniş terminallarının quraşdırılması və servis dəstəyi üzrə texniki mərkəz) "Azərişıq" ASC-nin borcları 500 manatdan artıq olan abonentlərinin (hüquqi şəxslər) ödənişlərinin qəbulunu dayandırıb. Bunu Trend-ə şirkətdən deyiblər.

"Komtec"dən bildiriblər ki, MilliÖN terminallarında ödənişlər ASC-nin şirkətə daxil olan sorğusuna müvafiq olaraq dayandırılıb: "Borcları 500 manatdan artıq olan "Azərişıq" abonentləri borcun qismən və ya tam ödənilməsindən asılı olmayaraq, ASC-yə müraciət etməlidirlər. Bu yeniliyin digər terminallarda tətbiq ediləcəyi də istisna edilmir".

"Modenis" şirkətindən isə Trend-ə bildiriblər ki, "eManat" terminallarında da "Azərişıq" ASC-yə 500 manatdan artıq olan borcları ödəmək mümkün olmayacaq: "Bununla belə, şirkətdən ödənişin dayandırılacağı müddəti açıqlamayıblar".

Hazırda Azərbaycanın ödəniş terminalları bazarında "Expressbank" ASC-yə məxsus "ExpressPay" terminalları da var. Bankdan deyiblər ki, "Expressbank"a ASC-dən ödənişlərin dayandırılması barədə sorğu hələ daxil olmayıb.

Məqalədə:
Xəbər lenti

Xəbər lenti