Azərbaycan hökumətinə qarşı guya rabitə Nazirliyinin və Pochtbank AKB-nin zəmanəti ilə nazirliyin mövcud olmayan Aztell və Baktell müəssisələrinə ayrılan $3035000 və $1560000 məbləğində kreditlərin ödənməməsi ilə bağlı iddia qaldıran Malta First International Merchant Bank-ın (FIM Bank) işi üzrə növbəti məhkəmə iclasının vaxtı müəyyən edilib.
Rabitə və informasiya texnologiyaları Nazirliyində Trend ə bildirilib ki, martın 29-da Rotterdam dairə məhkəməsinin qərarı ilə işin növbəti dinlənilməsi aprelin 12-nə təyin edilib.
"Aprelin 12-də məhkəmə işə baxılması, xüsusilə əsasında bu və ya digər tərəfin xeyrinə qərar qəbul ediləcəyi şifahi iclasın keçirilməsi şərtləri ilə bağlı olaraq son qərar çıxaracaq" -deyə dövlət strukturunda qeyd olunub. Bu günlərdə Azərbaycan FIM Bank-ın məhkəmə iclasının dəfələrlə vaxtının dəyişdirilməsi səbəbi ilə təhqiqat çərçivəsində cavab sənədlərinin hazırlanması üçün əlavə müddət ayırmasından imtina edib.