Azərbaycan, Bakı/ Trend müxbir S.Babayeva/ Azərbaycanın rabitə və informasiya texnologiyaları naziri Əli Abbasovun Tailanda səfəri zamanı tərəflər rabitə və informasiya texnologiyaları sahəsində saziş bağlamaq barədə razılaşıblar.
Cümə axşamı Rabitə Nazirliyindən verilən məlumata görə, Abbasovun Tailandın informasiya və kommunikasiya naziri Sittiçayi Pukayaudomla görüşü zamanı Tailand tərəfi bu sahədə əldə olunmuş təcrübədə Azərbaycana yardım etməyə hazır olduğunu bilidirb.
Tailand naziri qeyd edib ki, daha sıx əlaqələr üçün ölkələr arasında IT sahəsində saziş bağlamaq lazımdır.
Azərbaycan rabitə naziri Tailand nümayəndələrini 21-24 noyabr tarixlərində təşkil olunacaq BakuTel-2007 sərgi və informasiya texnologiyaları üzrə konfransa dəvət edib.
Abbasovun sözlərinə görə, bu müddət ərzində razılaşmanın imzalanması üçün hazırlıq işlərini görmək mümkün olacaq.
