...

"Expedia" payını 1 milyard dollara satır

Turizm Materials 22 Aprel 2020 06:29 (UTC +04:00)
"Expedia" payını 1 milyard dollara satır

Trend-i buradan izləyin

Bakı. Trend:

ABŞ-ın Sietl (Vaşinqton ştatı) şəhərində baş ofisi yerləşən "Expedia" turist şirkəti yeni növ koronavirusun yayılması səbəbiylə qoyulan məhdudiyyətlər ləğv edilməyincə iqtisadi vəziyyətini qorumaq üçün təxminən 1 milyard dollara olan payını satmaq barədə danışıqlar aparır.

Trend-in məlumatına görə, bu barədə "The Wall Street Journal" amerikan qazetinin elektron versiyasında xəbər yayılıb.

Məlumata görə, "Expedia" qısa müddətdə dəyərli satış səhmlərini aktivlərin idarə edilməsi şirkətləri olan "Silver Lake" və "Apollo Global Management"ə təqdim etməyi planlaşdırır. Turist korporasiyası bu şəkildə təxminən 1 milyard dollar həcmində əlavə vəsait cəlb edəcəyini gözləyir.

"Expedia" aviabiletlər, otel otaqları və avtomobilləri onlayn sifariş etmək üzrə ixtisaslaşmış "Travelocity", "Orbitz" və "Vrbo" brendlərinin operatorudur. Pandemiya dünyada sərnişin axınının 95 faiz azalmasına və əksər otellərin fəaliyyətinin tamamilə dayandırılmasına səbəb oldu. Qəzetin məlumatına görə, ötən il gəlirləri 12 milyard dollar təşkil edən "Expedia"nın borcu hazırda 4 milyard dollardan çox olduğu halda 3 milyard dollarda yaxın likvid aktivi var.

Məqalədə:
Xəbər lenti

Xəbər lenti