Azərbaycan, Bakı, 21 sentyabr /Trend/
Ermənistanda Respublika Meydanında ölkənin müstəqilliyinin 20 illiyinə həsr olunmuş hərbi parad keçirilir. Trend-in məlumatına görə, bu barədə "Novosti Armeniya" xəbər verir. Paradı başda ölkə prezidenti olmaqla, ölkənin ali hərbi və siyasi rəhbərliyi müşahidə edir.
Bəzi məlumatlara görə, paradda 4 minə yaxın şəxs və 300 ədəddən artıq hərbi texnika iştirak edir.
Respublika Meydanından Ermənistan Silahlı Qüvvələrinin bütün qoşunlarının və Rusiyanın 102-ci hərbi bazasının hərbi qulluqçuları keçirlər.
Paradda hərbi ruhanilərin nümayəndələrinin iştirakı yenilik olacaq. Yubiley paradında hərbi keşişlər yeni bayraq altında keçəcəklər.