Azərbaycan, Bakı, 5 mart /Trend/
Avropa İttifaqı (Aİ) Ukraynaya 500 milyon avro məbləğində əlavə maliyyə yardımı verə bilər. Bu barədə İTAR TASS Avropa Parlamenti komitəsinin əməkdaşına istinadən bildirib.
Məlumatda deyilir: "Ukraynaya 500 milyon avro əlavə maliyyə yardımı verilməsi haqqında təklifə baxılır".
Dünən Avropa Komissiyasının sədri Joze Manuel Barrozu bəyan edib ki, Aİ-nin ali icra hakimiyyəti orqanı bu gün özünün Ukraynaya yardım proqramını açıqlayacaq.
Qeyd edək ki, bir müddət əvvəl artıq Aİ bu ölkəyə maliyyə-iqtisadi sistemin stabilliyini dəstəkləmək üçün 610 milyon avro məbləğinədək makromaliyyə yardımı göstərəcəyini vəd edib.