Azərbaycan, Bakı, 11 avqust /Trend, müxbir Rufiz Hafizoğlu/
Türkiyənin müxalif Milliyətçi Hərəkat Partiyasının (MHP) lideri Dövlət Bahçeli təcili koalisiya hökumətinin yaradılmasını istədi.
Trend bu barədə Anadolu agentliyinə istinadən xəbər verir.
Dövlət Bahçelinin sözlərinə görə, ölkədə keçirilən parlament seçkilərinin nəticələri əyani şəkildə göstərir ki, koalisiya hökuməti Türkiyə xalqının istəyidir.
D.Bahçeli həmçinin qeyd edib ki, Ədalət və İnkişaf Partiyası (AKP) və Cümhuriyyət Xalq Partiyası (CHP) koalisiya hökumətinin yaradılması ilə bağlı razılığa gəlməlidir.