Bakı. Trend:
Gürcüstan Rusiya qazından asılı olmayacaq. Trend-in "Qruziya-onlayn"a istinadən verdiyi məlumata görə, bunu Gürcüstanın energetika naziri Kaxa Kaladze ölkəsinin Rusiya "Qazprom"u ilə qaz təchizatı barədə danışıqlarına aid sualı cavablandırarkən deyib.
Onun sözlərinə görə, Gürcüstanın Rusiya qazından asılı düşməmək üçün bir çox imkanı var.
Nazir qeyd edib ki, Gürcüstana tədarüklər şaxələndirilib, çünki ölkə qazı müxtəlif mənbələrdən alır - Cənubi Qafqaz qaz kəməri üzrə SOCAR-dan və tranzitə görə ödəniş qismində isə "Qazprom"dan: "Əgər rəqabət qabiliyyətli qiymət olarsa, gələcəkdə Türkmənistan və İrandan təbii qaz almaq imkanımız olacaq".