Bakı. Rufiz Hafizoğlu - Trend:
Türkiyənin Xalqların Demokratik Partiyasının (HDP) lideri Səlahəddin Dəmirtaş deputat toxunulmazlığından məhrum edilə bilər.
Bu barədə Trend "Anadolu" agentliyinə istinadən məlumat verir.
Bu gün Türkiyənin Ədliyyə Nazirliyi S.Dəmirtaş və HDP-nin digər deputatlarının toxunulmazlıq hüququndan məhrum edilməsi məsələsi üzrə parlamentə müraciət edib.
Qeyd edək ki, fevralın 17-də Ankarada törədilmiş terror aktından sonra HDP-nin bəzi deputatları PKK-nın üzvü olan terrorçu-intiharçının dəfnində iştirak etmişdi.