Bakı. Trend:
Türkiyənin Baş naziri Binəli Yıldırım dövlətə dəstək nümayiş etdirmək üçün vətəndaşları küçələri tərk etməməyə çağırıb.
Trend-in məlumatına görə, bu barədə o Twitter hesabında paylaşdığı videomüraciətində bəyan edib.
Baş nazir qeyd edib ki, hərbi çevrilişə cəhddə iştirak edən hərbçilərin həbsi davam edir.
Qeyd edək ki, ötən gecə Türkiyədə hərbi çevrilişə cəhd edilib. Hərbi çevrilişə cəhd nəticəsində 17 polis əməkdaşı olmaqla 60 nəfərin həlak olduğu bildirilir. Hərbi çevrilişə cəhddə 140-dan artıq hərbçinin həbs olunduğu bildirilir.