Bakı. Orxan Quluzadə - Trend:
Türkiyə ABŞ donanmasının Suriyada aviabazaya zərbə endirməsini müsbət qiymətləndirir.
Trend-in məlumatına görə, bunu Türkiyə baş nazirinin müavini Numan Kurtulmuş deyib.
Onun sözlərinə görə, bu əməliyyat Suriyadakı münaqişənin həll olunmasına töhfəsini verəcək.
N.Kurtulmuş qeyd edib ki, Suriyanın bəzi bölgələrində təhlükəsizlik zonaları yaradılmalıdır.
Qeyd edək ki, bir sıra dövlətlər də ABŞ-a bu məsələdə öz dəstəyini bildirib. Bu gecə ABŞ prezidenti Donald Tramp Suriyaya kimyəvi zərbələr endirilməsi üçün baza rolunu oynaması bildirilən Hüms aerodromuna raket zərbələrinin endirilməsi barədə əmr verib.