Bakı. Trend:
ABŞ Suriyanı Fərat çayının şərqindən bölmək istəyir.
Trend-in məlumatına görə, bunu İranın ali lideri Ayətullah Əli Xameneyinin baş müşaviri Əli Əkbər Vilayəti BMT-nin İraqdakı təmsilçisi Yan Kubişlə görüşündən sonra mətbuat konfransında deyib.
Ə.Ə.Vilayəti qeyd edib ki, Vaşinqton nəzarətindəki terrorçu qruplarla birgə Fəratın şərqində dövlət qurmaq üçün hərəkata keçib:
"Lakin ABŞ və müttəfiqləri bölgədə əvvəlki qədər güclü deyil. Region xalqları Pentaqonun planlarının həyata keçməsinə imkan verməyəcək".
Tehranın Suriyanın ərazi bütövlüyünü dəstəklədiyini deyən baş müşavir ABŞ-n ssenarilərinin bitmədiyini vurğulayıb və İsraillə Səudiyyə Ərəbistanının da "parçalanmış Suriya" layihəsini dəstəklədiyini ifadə edib.