Bakı. Trend:
Türkiyədə bu gün səhər saatlarında bir neçə zəlzələ baş verib.
Trend-in türk KİV-lərinə istinadən verdiyi məlumata əsasən, yerli vaxtla saat 05:30 Bolu vilayətində 3,8 bal gücündə zəlzələ olub. Zəlzələ ocağının dərinliyi 8 kilometr təşkil edib.
İki dəqiqə sonra vilayətdə bir daha zəlzələ baş verib. Bu dəfə zəlzələnin gücü 4 bal olub. Ocağın dərinliyi - 5 kilometr.
Qeyd olunur ki, Çanaqqala vilayətində 05:04-də 4,3 bal gücündə zəlzələ olub. Zəlzələ ocağının dərinliyi 7 kilometr təşkil edib.
Dağıntılar və xəsarət alanlar barədə məlumat verilmir.