Bakı. Tural Turan - Trend:
Son gün ərzində Hindistanın şimalındakı Uttar-Pradeş ştatında leysan yağışları nəticəsində 16 nəfər ölüb, daha 12 nəfər ağır xəsarətlər alıb.
Trend-in məlumatına görə, yerli hakimiyyət orqanlarına istinadən verilən məlumata görə, 6 nəfər ildırımın qurbanı olub, digərləri isə torpaq sürüşməsinin və kənddə ağacın evin damı üstünə aşması nəticəsində ölüblər.
Regionda təbii hadisə nəticəsində ümumilikdə 460-dan çox ev zərər çəkib.
Hindistanda musson yağışlar iyundan sentyabrın ortalarına qədər davam edir.
Rəsmi məlumata görə, bu il ərzində 1000-dən çox insan leysan yağışların qurbanı olub.