Bakı. Trend:
Rusiyanın Dağıstan Respublikasında İŞİD terrorçu qruplaşmasının iki tərəfdarı zərərsizləşdirilib.
Trend-in məlumatına görə, onlar Rusiyanın hüquq-mühafizə orqanlarına hücum təşkil etməyi planlaşdırırdılar.
Məlumatda bildirilir ki, hüquq-mühafizə qüvvələri tərəfindən terrorçuların olduğu VAZ-2109 markalı avtomobili saxlamaq üçün cəhd göstərilib. Silahı atmaq və təslim olmaq tələbinə cavab olaraq silahlılar atəş açıb.
Qeyd edilir ki, atışma nəticəsində cinayətkarların hər ikisi zərərsizləşdirilib.