Bakı. Trend:
Türkiyə Silahlı Qüvvələri İraqın şimalında həyata keçirilən "Pəncə" əməliyyatı çərçivəsində PKK terrorçularının sığınacaq və silah anbarını məhv ediblər.
Trend-in Türkiyə KİV-lərinə istinadən verdiyi məlumata görə, bu barədə ölkənin Milli Müdafiə Nazirliyindən bildirilib.
Məlumata əsasən, əməliyyat çərçivəsində zərərsizləşdirilən terrorçuların sayı 61-ə çatıb.
Bildirilir ki, əməliyyatın başladığı 27 may tarixindən ötən dövr ərzində 110 ədəd kustar üsulla hazırlanmış bomba, həmçinin terror təşkilatına aid 151 mağara və sığınacaq içərisindəki silah-sursat, o cümlədən ərzaqla birlikdə məhv edilib.
Bundan başqa 18 ədəd AK-47 avtomatı, 11958 AK-47 sursatı, 3 ədəd RPG-7, 24 əl bombası, 3362 kq partlayıcı və digər silah-sursat ələ keçirilib.
Xatırladaq ki, mayın 27-i Türkiyə Hərbi Hava Qüvvələri və Silahlı Qüvvələri İraqın şimalında yerləşən Kərkük rayonunda irimiqyaslı əməliyyata başlayıblar.