Bakı. Trend:
Polşa sakinləri ilk dəfədən ölkə prezidentini seçə bilmədilər - namizədlərdən heç biri qeyd-şərtsiz qələbə üçün lazım olan səslərin 50% -ni qazana bilmədi.
Trend-in məlumatına görə, bu barədə seçki məntəqələrinin bağlanmasından dərhal sonra Polşa televiziyası tərəfindən yayılan exit-poll məlumatlarında qeyd edilib.
Məlumata əsasən, İyulun 12-də respublikada keçirilməsi planlaşdırılan ikinci tura, ilkin məlumatlara görə, 41,8% səs toplayan Polşanın hazırkı lideri Anjey Duda və Polşanın ən böyük müxalifət partiyası olan Vətəndaş Platformasını təmsil edən Varşava meri Rafal Tşaskovski (30, 4% səs) keçiblər.
Dövlət Seçki Komissiyası rəsmi seçki nəticələrini iyulun 1-dək elan etməyi planlaşdırır.