Bakı. Trend:
Yunanıstanın şimalında qəzaya uğrayan Ukraynaya məxsus "An-12" təyyarəsinin bütün səkkiz ekipaj üzvünün cəsədi təyyarənin qalıqları altından çıxarılaraq Komotini Şəhər Xəstəxanasına göndərilib.
Trend-in məlumatına görə, bu barədə "ERT-1" televiziya kanalı xəbər verib.
Məlumata əsasən, "An-12" təyyarəsinin qəzası yerində ölənlərin tapılması əməliyyatı başa çatıb. Hazırda cəsədlər məhkəmə-tibbi ekspertizasının keçiriləcəyi Komotini xəstəxanasına çatdırılır, daha sonra isə Ukraynanın Yunanıstandakı diplomatik nümayəndələrinə təhvil veriləcək.