Bakı. Trend:
"Falcon 9" daşıyıcı raketi "Starlink" qlobal İnternet əhatə dairəsi şəbəkəsinin orbital qrupunu artırmaq üçün 51 mini peykdən ibarət daha bir partiyanı uğurla orbitə buraxdı.
Trend-in məlumatına görə, bu barədə "SpaceX" şirkətindən bildirilib.
"51-ci "Starlink" peykinin orbitə buraxılması təsdiqləndi", - deyə bildirilib.
Buraxılış Kaliforniyadakı Vandenberq Kosmik Qüvvələri Bazasında "SLC-4E" buraxılış meydançasından ABŞ Sakit okean sahili vaxti ilə saat 10:38-də baş tutdu.
Raketin buraxılışından təxminən 15 dəqiqə yarım sonra bütün peyklər ikinci mərhələdən ayrılaraq adi orbitə daxil olublar.
Bu, "Starlink" layihəsi çərçivəsində 2019-cu ilin may ayından etibarən 77-ci, bu ilin əvvəlindən isə səkkizinci internet peykinin buraxılışı oldu.