Bakı. Trend:
Rus ordusunun pilotları Ermənistanda təlim keçirib.
Trend xəbər verir ki, bu barədə Rusiya Cənub Hərbi Dairəsinin mətbuat xidməti məlumat yayıb.
Məlumata görə, Rusiya Cənub Hərbi Dairəsinin Ermənistanda yerləşdirilmiş 102-ci bazasının aviasiya ekipajları müxtəlif manevrlər icra ediblər. Təlimlərin Erebuni aerodromunda baş tutduğu bildirilib.
Qeyd edilib ki, uçuşlara Cənub Hərbi Dairəsinin 120-dən çox hərbi qulluqçusu, həmçinin 20-yə yaxın hərbi və xüsusi texnika cəlb olunub.