Bakı. Trend:
Cənubi Koreya, ABŞ və Yaponiya keçən həftə Şimali Koreyanın kosmik raket buraxmasına cavab olaraq beynəlxalq sularda üçtərəfli raketdən müdafiə təlimləri keçirib.
Trend bu barədə xarici KİV-lərə istinadən xəbər verir. Təlim Cənubi Koreyanın Ceju adasının cənubunda baş tutub.
Cənubi Koreya donanması təlimin Şimali Koreyanın yaxınlaşan nüvə və raket təhdidlərinə cavab olaraq keçirildiyini bildirib.
Təlimdə, həmçinin 2023-cü ilin sonuna qədər qüvvəyə minməli olan üçtərəfli raket hücumu xəbərdarlığı sisteminin komponentləri sınaqdan keçirilib.