Bakı. Trend:
ABŞ Nümayəndələr Palatası ölkənin daxili təhlükəsizlik naziri Alexandro Mayorkasın impiçmenti barədə qətnamə qəbul edib.
Trend bu barədə xarici KİV-ə istinadən xəbər verir.
Məlumata görə, qətnamə 214 səs çoxluğu ilə qəbul edilib, 213 nəfər isə qətnamənin əleyhinə səs verib.
ABŞ KİV-i demokratların çoxluq təşkil etdiyi Senatın impiçment qərarını dəstəkləməyəcəyini yazır.
Qeyd olunub ki, Mayorkas federal miqrasiya qanunlarına riayət etməkdən imtina etməklə və ABŞ-Meksika sərhəddinin təhlükəsiz olduğuna dair açıqlamalar verməklə ictimai inamı sarsıdıb.