Bakı. Trend:
Küveytin maliyyə naziri Nura əl-Fəssam istefa verib.
Trend xəbər verir ki, bu barədə Küveyt informasiya agentliyi məlumat yayıb.
Küveytin əmiri Məşəl əl Əhməd əs Sabah avqustun 4-də əl-Fəssamın istefasını qəbul edib və boş qalmış posta müvəqqəti olaraq Elektrik enerjisi, su resursları və bərpa olunan enerji mənbələri naziri Sabihə əl-Müheyziməni təyin edib.
Müheyzimə eyni zamanda, Elektrik enerjisi, su resursları və bərpa olunan enerji mənbələri nazirliyinin rəhbəri kimi vəzifəsini davam etdirəcək.
Maliyyə nazirinin hansı səbəbə istefa verdiyi açıqlanmır.