Baş nazir Zurab Noqaideli çərşənbə axşamı Brüsselə işgüzar səfər edəcək. Burada NATO və Avropa İttifaqının nümayəndələri ilə görüşəcək.
Trend in Praym-Nyus-a istinadən verdiyi xəbərə görə, Zurab Noqaideli NATO-nun qərargahında NATO baş katibinin müavini Aleksandro Minuto Rizo ilə görüşəcək.
Zurab Noqaideli Gürcüstana həsr olunmuş foto-sərginin açılışında iştirak edəcək.
Foto-sərgi NATO-da Gürcüstan günləri ilə əlaqədar açılacaq.
Zurab Noqaideli Avropa İttifaqının baş katibi Xavyer Solana, bu beynəlxalq təşkilatın digər rəsmi şəxsləri ilə də görüşəcək.
Çərşənbə günü Gürcüstan - Osetiya münaqişəsinin iqtisadi reabilitasiya zonası üzrə donor - ölkə nümayəndələrinin konfransı olacaq.
Konfransı Zurab Noqaideli və ATƏT nümayəndəsi Karel de Quxt açacaq.
Zurab Noqaideli Tbilisiyə cümə axşamı qayıdacaq.