...

Avstriyada “Uçan xalça” sərgisinin açılışı olacaq

Mədəniyyət Materials 10 Aprel 2018 15:27 (UTC +04:00)
Vyana şəhərində fəaliyyət göstərən Azərbaycan Mədəniyyət Mərkəzində Azərbaycan və Avstriyanın gənc rəssam-tələbələrini birləşdirən “Uçan xalça” sərgisinin açılışı keçiriləcək.
Avstriyada “Uçan xalça” sərgisinin açılışı olacaq

Bakı. Trend:

Aprelin 12-də Avstriyanın paytaxtı Vyana şəhərində fəaliyyət göstərən Azərbaycan Mədəniyyət Mərkəzində Azərbaycan və Avstriyanın gənc rəssam-tələbələrini birləşdirən “Uçan xalça” sərgisinin açılışı keçiriləcək.

Xalça muzeyindən Trend-ə verilən məlumata görə, sərginin təşkilatçıları Mədəniyyət və Turizm Nazirliyi, Azərbaycan Xalça Muzeyi, Avstriyadakı Azərbaycan Mədəniyyət Mərkəzi və Vyana Tətbiqi Sənət Universitetidir.

Açılış mərasimində Azərbaycanın Avstriyadakı səfirliyi, Azərbaycan Xalça Muzeyi, Vyana Tətbiqi Sənət Universiteti və Azərbaycan Dövlət Rəssamlıq Akademiyasının rəsmiləri iştirak edəcəklər.

“Uçan xalça” sərgisi “Crossing” (“Kəsişmə nöqtəsi”) layihəsinin yekun hissəsidir. Azərbaycan və Avstriyadan olan tələbələr müxtəlif texnikalarda yerinə yetirdikləri əsərlərini təqdim etdikləri bu layihənin yaradılması üzərində yeddi ay ərzində işləyiblər. Layihənin məqsədi xalçaçılıqda dövrlərin bir-biri ilə əlaqəsini aşkara çıxarılması və bu sənətin ənənələrinin qorunub inkişaf etdirilməsi üzərində qurulub. Tələbələr öz fantaziyalarını, bədii obrazları ənənəvi arxetiplərə gedib çıxan müasir incəsənətin müxtəlif istiqamətlərində işləmək bacarığını nümayiş etdiriblər. Bu eksperiment kimi XIX əsrə aid qismən tələbələr tərəfindən bərpa edilmiş Azərbaycanın nəfis xovsuz xalçalarından biri olan sumax xalçası götürülüb. Onlar sumaxın səthindəki təsvirləri yaradıcı surətdə dəyişdirir və bu ornamentlər orqanik şüşədə həcm və forma əldə edərək, məkanda uçur və installyasıyanın bir hissəsinə çevrilir.

Qeyd edək ki, sərgi 10 may tarixinədək Vyana şəhərində fəaliyyət göstərən Azərbaycan Mədəniyyət Mərkəzində davam edəcək.

Məqalədə:
Xəbər lenti

Xəbər lenti