.jpg)
Bakı. Trend:
Dekabrın 25-də Azərbaycan Dövlət Rəqs Ansamblının iştirakı ilə “Mənim Azərbaycanım” konsert proqramı yenidən paytaxt sakinləri və xarici qonaqlara təqdim olunacaq.
Obrazlığı, rəngarəngliyi və ifaları böyük marağla qarşılanan və yüksək qiymətləndirilən Azərbaycan Dövlət Rəqs Ansamblının “Mənim Azərbaycanım” konsert proqramı və “Koroğlu” bir pərdəli milli baleti Heydər Əliyev Sarayında baş tutacaq.
Konsert proqramının bədii rəhbəri və quruluşçusu Rusiya Federasiyasının Xalq artisti Dikalu Muzakaevdir.
Saat 19:00-da başlayacaq konsertin biletlərinin qiyməti 10-30 manat təşkil edir. Biletləri şəhərin mərkəzləşdirilmiş kassalarından və ASAN xidmət mərkəzlərindən əldə edə bilərsiniz.
İnformasiya dəstəyi - Trend.az, Day.az, Milli.az, Azernews.az