...

QMİ-dən imsak vaxtı ilə bağlı açıqlama

Gündəm Materials 18 May 2018 16:45 (UTC +04:00)
İmsak vaxtı ilə sübh azanı vaxtı arasındakı 5 dəqiqəlik müddətin son hədd olduğu bir daha önəmlə vurğulanır.
QMİ-dən imsak vaxtı ilə bağlı açıqlama

Trend-i buradan izləyin

Bakı. Elçin Mehdiyev - Trend:

Qafqaz Müsəlmanları İdarəsinin (QMİ) Qazılar Şurası tərəfindən təsdiq olunmuş mübarək Ramazan ayının təqvimində imsak vaxtı əvvəllər olduğu kimi sübh azanından 15 dəqiqə deyil, 5 dəqiqə əvvəl göstərilib.

Trend-in QMİ-nin saytına istinadən verdiyi məlumata görə, bununla əlaqədar, Qafqaz Müsəlmanları İdarəsinə vətəndaşlardan çoxsaylı müraciətlər daxil olur.

Qeyd olunur ki, imsak vaxtının sübh namazından 5 dəqiqə əvvəl təyin edilmə qərarı hər iki məzhəb üləmalarının fikirləri əsas tutularaq qəbul olunub:

"Oruc tutan qardaş və bacılarımızın nəzərinə çatdırırıq ki, imsak vaxtının sübh azanından bir qədər əvvəl olması oruc tutanların səhuru sübh azanından əvvəl bitirib namaza hazır olmaları üçündür. Builki Ramazan təqvimində belə bir dəyişiklik etmə qərarının başlıca məqsədi oruc tutanların rahatlığını daha yaxşı şəkildə təmin etməkdir.

İmsak vaxtı ilə sübh azanı vaxtı arasındakı 5 dəqiqəlik müddətin son hədd olduğu bir daha önəmlə vurğulanır".

Məqalədə:
Xəbər lenti

Xəbər lenti